by Artyom
Еўрапейскі вяшчальны саюз (EBU) абвясціў пра шэраг змен у правядзенні конкурсу песні «Еўрабачанне», каб узмацніць падтрымку ўдзельнікаў, гарантаваць іх дабрабыт і ўмацаваць асноўныя каштоўнасці конкурсу: супольнасць, узаемапавагу і роўнасць.
Адным з ключавых паляпшэнняў стане ўвядзенне Кодэкса паводзін і Пратакола аб клопаце. Гэтыя дакументы будуць вызначаць адказнасці ўсіх удзельнікаў і працоўных конкурсу.
- Кодэкс паводзін абавязвае выконваць мясцовае заканадаўства, забараняе выкарыстанне конкурсу ў палітычных мэтах, а таксама вызначае стандарты прафесійных паводзін, справядлівай канкурэнцыі і адказнай камунікацыі.
- Пратакол аб клопаце скіраваны на забеспячэнне фізічнай і эмацыйнай бяспекі ўдзельнікаў. У ім падкрэсліваецца сумесная адказнасць EBU, арганізатараў конкурсу і вяшчальнікаў за мінімізацыю рызык і стварэнне станоўчага досведу для ўдзельнікаў.
Прыняцце Кодэкса паводзін стане абавязковай умовай для атрымання акрэдытацыі на конкурс. Гэта падкрэслівае прыхільнасць EBU да стварэння бяспечнага і спрыяльнага асяроддзя.
Поўныя версіі дакументаў будуць апублікаваныя 16 снежня на афіцыйным сайце конкурсу.
Змены ў арганізацыі і фармаце конкурсу 2025 года
Еўрабачанне 2025, якое адбудзецца ў Базелі, атрымае шэраг новаўвядзенняў дзеля падтрымкі ўдзельнікаў:
- Зоны без здымкаў у ключавых месцах, дзе артысты могуць рыхтавацца да выступленняў.
- Закрытыя рэпетыцыі для канцэнтрацыі ўдзельнікаў на выступах.
- Аптымізаваны графік рэпетыцый для забеспячэння дастатковага адпачынку і магчымасці даследаваць горад.
- Назначэнне прадзюсара па дабрабыту, які стане кантактнай асобай для ўдзельнікаў і каманд.
Гэтыя меры створаны для таго, каб артысты адчувалі сябе ўпэўнена перад выхадам на сцэну і маглі сканцэнтравацца на сваім творчым выкананні.
Фота выявы: Sarah Louise Bennett / EBU
